- Ծաղիկները շուրջ 130 միլիոն տարի առաջ յայտնուեցան բնութեան մէջ։
- Արեւածաղիկը թունաւոր նիւթեր կ’արտադրէ, որ կրնայ փճացնել քովի բոյսերը։
- Ոչ բոլոր ծաղիկները անուշ կը բուրեն։ Ամէնէն մեծ ծաղիկը ամէնէն զօրաւոր հոտը ունի եւ կը կոչուի դիակի ծաղիկ (corpse flower) իր շատ անհաճոյ հոտին համար։
- Կարգ մը ծաղիկներ կ’ուտուին ինչպէս վարդը, խոկիկը (pansy) եւ յուսամը (lavender)։
- Վարդը ամէնէն շատ ժողովրդականութիւն ունեցող ծաղիկն է։ Անոր կը յաջորդեն շուշանը (lilly), խոլորձը(orchid) եւ մարգարտածաղիկը (daisy)։
- Դարերով ծաղիկները օգտագործուած են կախարդութեան մէջ։ Օրինակ, առաջ կը հաւատային, որ քրքումը (crocus) տեսիլք կամ խաբկանք կը յառաջացնէր:
- Ծաղիկները գործածուած են նաեւ բժշկութեան մէջ: Մարդիկ կը հաւատային, թէ կռաբանջարը (dandelion) բուժիչ յատկութիւն ունէր։
- Ժամանակին ծաղիկները զգացումներ կ’արտայայտէին։ Օրինակ վարդագոյն մեխակը կը նշանակէր «քեզ պիտի չմոռնամ»։ Ծիրանագոյն յակինթը կը նշանակէր «ներողութիւն», իսկ դեղինը՝«կը նախանձիմ»։
- Վարդի իւրաքանչիւր գոյն կը խորհրդանշէ յատկութիւն մը։ Կարմիր վարդը կը խորհրդանշէ սէր, դեղինը՝ բարեկամութիւն, նարնջագոյնը՝ խանդավառութիւն, ճերմակը՝ անբծութիւն կամ անմեղութիւն, վարդագոյնը՝ ուրախութիւն, իսկ մանիշակագոյնը՝ ազնուականութիւն։
- Խոլորձի (orchid) տեսակներ կան, որ աճելու համար հողի պէտք չունին. անոնք օդէն կը ստանան իրենց անհրաժեշտ սնունդը։
|
 
 
 
 
|
